Espainiako Gobernuak ostiralean edo, beranduenez, larunbatean jakinaraziko du zein lurralde irten daitezkeen 0 fasetik, eta deseskaladan aurrera egin 1. fasera arte. Badirudi, Hego Euskal Herria urrats hori emateko prest dagoela datorren astelehenean. Hori onartzeko Espainiako Gobernuari bidali dizkioten txosten teknikoetatik ondorioztatzen da hori. Orain, deseskaladaren 1. fasean sartzeak zer esan nahi duen argitzea geratzen da, hortik "normaltasun berrira" tarte luzea geratzen bada ere.