2023ko kurtsoan baino ehun ikasle gehiagorekin hasi dute ikasturtea Seaskako ikastolek. Zehazki, 4.285 ikaslek hasi dute kurtsoa. Hala ere, kurtsoan zehar 4.400 ikasleren heina gaindituko dutela adierazi du Peio Jorajuriak Seaskako lehendakariak.

Asteazken honetan bildu da Sophie Layus Seaskako batzorde eragileko kidearekin Kanbon eskainitako prentsaurrekoan.

Zehazki, 2.700 ume ditu Seaskak Ipar Euskal Herriko 33 ikastoletan. 1.100 ikasle bost kolegioetan eta 563 Baionako Bernat Etxepare lizeoan. Han izan dute ikasle gorakadarik handiena azken urteetan.