Espainiako Diputatuen Kongresuak Israelekin armamentu salmenta debekatzeko lege-proposamen baten tramitazioa onartu du. Ekimena Sumar, ERC eta Podemosek aurkeztu dute eta PSOEren, EAJren, EH Bilduren, BNGren eta Juntsen aldeko botoekin eta PPren eta Voxen aurkako bozekin (176 alde eta 171 aurka), Ganberak lege proposamena izapidetzea onartu du.

Lege-proposamenak 2007ko defentsa-materialaren kanpo-merkataritzaren kontrolari buruzko legea erreformatu nahi du, nazioarteko zuzenbide humanitarioa urratzen duten estatuetara armak saldu, erosi edo trukatzeko debekua ezartzeko. Hau da, genozidioa edo gerra krimenak ikertzen ari diren estatuetara armak esportatzea debekatuko litzateke.

Testuingurua are larriagoa da Gazako egoera humanitarioagatik. Nazio Batuen arabera, 14.000 haur hil daitezke hurrengo 48 orduetan laguntza humanitarioa ez bada sartzen. Nazioarteko erakundeek presioa egiten jarraitzen dute, armamentu esportazioak eteteko eta laguntza humanitarioa sarrera bermatzeko.