Istilu larriak izan dira Gasteizen igande honetan, Falange Espainola eskuin muturreko taldearen kontra egindako mobilizazioan. Urriaren 12ko ekitaldi nagusia ospatu dute hiriburuan, Ertzaintzaren babespean, Espainiako eta Falangearen banderaz hornituta.
Ekitaldia salatzera hurbildutako manifestarien kontra oldartu da Ertzaintza, eta hainbat zauritu eragin ditu. Bestalde, 19 lagun atxilotu ditu baina dagoeneko aske utzi ditu.