Aste honetan Euskarazko komunikazioaren Argia Sariak, Eñaut Gantxegiri elkarrizketa inauterien inguruan, Ekhill doktorea, mundu zabal honetan bizirik mantentzen den emakumearen inguruko solasaldia: Frida Kahlo, eta sare sozialetan diren hainbat kontu ekarri ditugu gurera.

Amaia Ereñagarekin izandako solasalditik Kahloren bizitzan izandako une garrantzitsuenak berreskuratu ditugu, eta bide batez, mexikar emakume honen tartea era bat osatzeko, Fridaren inguruko hainbat bitxikeri kontatu dizkigu Jenni Lopezek gaurko saioan.

Oraingo honetan Kamikazeak atalean June Fernandez Casete izan da. Kazetaria da bera eta Pikara Magazin aldizkari feministaren sortzailetako bat delako ezagutzen dugu bereziki.

Beraz kazetaritzaz galdetu dio Ibai Fresnedok baina bestelako kontuez ere hitz egin dute. Hauen artean “Abrir el melón” atera zuen liburuaz, eta baita ere, argitaratu duen azkenaz: “Amatxo bolloen tribua”. Guzti hau eta askoz gehiago elkarrizketan.

Oraingo honetan hauek izan dira Ekhill doktoreak aipatutakoak: Artolazabal, futbola, radarrak eta txapote, Borja Semper eta nola ez polizia infiltratuaren kasua.

Inauteri garaian “inauteriologo” bezala gonbidatu dugu gurera Eñaut Gantxegi.

Inauteri hauetan mozorroen tipologia modu zientifiko batean azter genezake?

Euskarazko komunikazioaren Argia Sarietako 34. Edizioa izan da Usurbilen.

Bertan, sei sari banatu dira guztira: ikus-entzunezko saria, prentsa, entzunezkoa, Internet, kanpaina eta merezimenduzko saria.

Edizioko honetan sarituak: Karpeta Urdinak dokumentala, Zugazart iritzi tirak, (Min)bizi podkasta, euskal Mastodon komunitatea, Azterketak Euskaraz kolektiboa, eta Oihana Goiriena ( Pablo Gonzalez kazetariaren auzia zabaltzeagatik) izan dira.

Euskal kultura eta jendarteko ehundik gora lagun bildu dira Usurbilgo Atxega Jauregian.

Euskal komunikabideen arloan ezagunak diren pertsonekin egin dugu topo, eta aurrez aurre izan garela aprobetxatuz, galdera azkar pare bat luzatu dizkiegu.

Donostiako hiriak baditu udal baliabide batzuk neguko gauetan kalean lo egin behar duten pertsonei babesa emateko. Muturreko hotza dagoenean La Sirena aterpetxea irekitzen da kale gorrian direnentzat.

Baina zer gertatu da oraingo honetan?

Spoiler: Itxita izango zela adierazi zuten, nolabaiteko justifikaziorik gabe.

Baina Oihane Larretxea kazetariak azaldu digun bezala, azken albistea izan da; La Sirena aterpetxea ez zegoela itxita, turista frantsesak izan dira bertan asteburu honetan.