Gaur Aritz Ganboak bizikleta utzi eta korrika egiten du, kontrabandisten bidetik. Saran 1961etik egiten den Kontrabandisten lasterketan, mugako hogei herritako korrikalariek garai bateko baserritarren jantziak eta zortzi kiloko zakua daramatzate: oroimen-ariketa bat, gauza txar gisa gogoratzen ez den kontrabando batena.

Arrosa ikertzailearekin, Aritzek kontrabandoaren beste aurpegia ezagutzen du: goseak eragindako beharra, herri osoaren partaidetza, euskaraz egiten zen sarea, eta ahaztutako emakumeak, Behobiako arrain-saltzaileetatik leiho azpiko maindireraino. Mugalariak, pasatzaileak eta kontrabandistak bereiziz, eta galdera bat utziz: gaur zer batzen gaitu? Eta desobedientzia, tresna gisa.