MusikaZuzenean saioaren 336 ataleko erreportaje nagusian Mikosis taldea ezagutuko dugu. Gernikako hirukoak 'Gordin, Huts' disko txikia kaleratu berri du, eta aitzakia horrekin bandarekin batu gara Kult Parnasoa ederrean. Hitz Bitan atalera, berriz, Gartxot Unsain gonbidatu dugu, mila egitasmotan aritutako musikari ipurterrea. Bere gustuko disko, areto eta kantuen inguruan aritu zaigu laburrean.