1.080 euroko gutxieneko pentsioa exigitzeko, Hego Euskal Herriko Pentsiodunek beste urrats bat emango dute. Itxialdia eta baraua egingo du mugimenduak Bilbon martxoaren 13tik 18ra, eta egunero protestak eta hitzaldiak egingo dituzte. Eusko Jaurlaritzari eta Nafarroako Gobernuari eskatuko diete gutxieneko pentsioak berehala 1.080 euroraino osatzeko. Martxoaren 18an, gainera, manifestazioa egingo dute.