Aurtengo larratzeari hasiera eman diote aste honetan Larraitzen. Hurrengo hilabeteetan 19.000 abelburu inguru larratuko dira Aralarren: 1.060 behi, mila behor eta 16.500 ardi. Lursail horien jabetza Enirio-Aralarko Mankomunitateak du, hamabost herrik osatzen dute eta 3.359 Ha-ko azalera du. Era berean, Aralarko jardueren zaintza eta kudeaketa hobetzeko akordio bat sinatu dute Gipuzkoako Aldundiak eta Mankomunitateak, 2019tik blokeatutako harremanei berriro ekiteko asmoz.