Donostian aurkeztu zuten elkartearen izen eta irudi berria Antzoki Zaharrean. 500 pertsona baino gehiago bildu ziren. Instituzioetako ordezkaritza zabala eta ehundik gora familia, elkartearen parte direnak. “Markesinetatik aurpegia ematera egingo dugu salto”, adierazi zuen ekitaldian Bea Severrek, Naizen Arabako, Bizkaiko, Gipuzkoako eta Nafarroako Adingabe Transexualen Gurasoen Elkarteko bozeramaileak. Donostiako Antzoki Zaharrean aurkeztu zuten larunbatean, ospakizun eta aldarrikapen kutsuko ekitaldian. Xabier Madariagak eta Africa Baetak hartu zuten hitza. «Krisalida izateari utzi eta hegan egingo du, tximeletak bezala», azaldu zuen Madariagak.