Azkuna Zentroak, ikus-entzunezko eskaintza kulturala handitzeko, atzo amaitu zen Donostiako Zinemaldian proiektatutako filmen aukera-sorta bat bildu du hurrengo egunetan alondegiko zinemetan emateko. Gaur hasita urriaren 6ra bitartean, hainbat adituk aukeratutako 7 filmez gozatu ahal izango dute bilbotarrek, Zinemaldian estreinatu eta gero. Goenaga, Garaño eta Arregiren "La trinchera infinita", Ken Loach-en "Sorry we missed you" edo komertzialagoa den Francois Girard-en "The song of names" egongo dira ikusgai.