Naturgy taldearen parte den Nedgia enpresak, 14 kilometroko gasbide bat eraikitzea aurreikusi du Arakil eta Lekunberri artean. Nedgia enpresak lurren jabeei desjabetze espedienteak bidali zizkietenean hasi zen kezka herritarren artean.

Aralar Zaindu Dezagun plataformak deituta, alternatibak badirela eta horiek aztertzeko eskaera egin zuten manifestariek. 5.000 zuhaitz baino gehiago moztea saihesteko, Aralar Zaindu Dezagun plataformak Lazaolako Bide Berdearen beste trazadura bat proposatu zuen.