Atzoz geroztik zabalik dago herritarrek izena emateko epea, eta Bilboko Kafe Antzokian egindako ekitaldi baten bidez abiarazi dute euskararen aldeko ariketa sozial erraldoian izena emateko epe hori.

Hirugarren Euskaraldia azaroaren 18tik abenduaren 2ra egingo da, eta, aurrekoetan bezala, helburu nagusia euskararen erabilera handitzea izango da, herritarren hizkuntza ohiturak aldatuta.

Aurreko urteetan izena eman zutenek, parte hartzea berretsi baino ez dute egin beharko, www.euskaraldia.eus gunean. Entitateei dagokionez, urriaren 31 arte izango dute ariguneak jakinarazteko epea.