Honako taldeak dira ekimenaren deitzaile: Azkoitiko Oletan ere ez, Azpeitiko eta Zestoako Sañu bizirik, Bergarako, Elgoibarko eta Soraluzeko Karakate Bizirik, Urretxu-Zumarragako Urretxu-Zumarraga Bizi! eta azkenik, Zizurkilgo eta Usurbilgo Andatza-Ezkeltzu Bizirik.

Plataformek helburu jakin bat dute: bertako mendietako ondare naturala, arkeologikoa, geologikoa, historikoa, paisajistikoa eta espirituala babestea; zein inguruetako baserrietako eta herrietako biztanleak, haien bizitokia, haien osasuna eta jardun ekonomikoa –bereziki nekazaritza jarduerari lotutakoa– defendatzea. Ildo horretan, elkarlanean hasi dira Gipuzkoako zenbait plataforma.