Haur eskoletan ratioak jaisteko eskaria atera du berriz ere kalera 0-3 Plataformak. Nafarroako 49 haur eskola publikoetako langile eta familiak bildu dira asteburuan, Nafarroako gobernuari ratio jaitsiera exijitzeko eta 0-3 zikloak jasaten jarraitzen duen prekarietatea salatzeko. Jardunaldia Geltokian egindako langile bazkari batekin amaitu da, aldi berean Plataformaren 2022ko borroka jasotzen duen erakusketa antolatu den lekuan.