Musika Bulegoak 2026ko sariak banatu ditu Biarritzeko Atabal aretoan. Euskal musikaren sorkuntza eta zabalkundea aitortzen dituzten sarituen artean daude Olaia Inziarte (Zerrautsa), Maite Ruiz de Erentxun, Ødei (Goizegi hiltzeko), Ezezez (Kabakriba), Jon Saenz (Exodus), Maite Larburu (Maizter), Sara Zozaya (attä) eta Izaki Gardenak (Sitsak). Etxepare Euskal Institutuaren Musika Saria Fermin Muguruzarentzat izan da, euskal musikaren nazioartekotzean egindako ekarpena aitortzeko. Bestalde, Javier Corral kazetariak jaso du Ohorezko Saria, eta Publikoaren Saria Xabi Aburruzagarentzat izan da.