Argentinan jokatu berri den Munduko Pilota Txapelketak mugarri historikoa ezarri du euskal pilotarentzat. Euskal Selekzioak lehen aldiz parte hartu du ofizialki, bere izenarekin, eta 12 domina eskuratu ditu: lau urrezko, zazpi zilarrezko eta brontzezko bat.

Urte luzez aldarrikatutako ofizialtasuna lortuta, euskal pilotak urrats garrantzitsua egin du nazioartean. Joxe Mari Mitxelena Euskadiko Euskal Pilota Federazioko presidentearekin txapelketaren balantzeaz, nazioarteko aitortza lortzeko egindako bideaz eta euskal pilotak etorkizunean dituen erronkez aritu gara.