Euskal Nekazarien Batasunak Euskadiko elikagai katean ematen diren desorekak salatu ditu astelehen honetan. Marjinak apaltzea eskatu du agerraldian, gutxienez ekoizpen kostuak estaltzeko eta bertako elikagaien salmenta bermatzeko.

Produktu batzuetan salmentak %10 – 12 jaitsi direla zehaztu du. ENBAk egindako txostenaren arabera, saltokietan marjina handiak antzeman dira bertako elikagaiak eskaintzen diren prezioak behatuz gero: behi okelan %33, behi esnean %45-44, gaztan %45-55, besteak beste.

Azkenik, Eusko Jaurlaritzari ere mintzatu zaio sindikatua, BEHATOKIAren martxa bizkortzeko, ekoizpen kostuen txostenak argitaratzeko eta baita, distribuzioa eta saltokiak kontrolatzeko, eskatu dio.