Auzitegi Nazionaleko Fiskaltzak hirugarren graduei aplikatzen dien etengabeko blokeoa salatu du Sarek Durangon. “Mendekua oinarri duen politika Auzitegi Nazionaleko ateetatik sartzen denean, justiziak leihotik alde egiten du” adierazi du Sarek. Eusko Jaurlaritzak hirugarren gradura eta erdi-askatasunera igarotzea onartu dien 33 presoetatik 23 errekurritu ditu fiskaltzak. Horietatik 6 espetxera eta bigarren gradura itzuli dira; eta 13 Espetxe Zaintzako Epaitegiaren erabakiaren zain daude.

Hurrengo hitzordua urtarrilaren 7an izango da, Bilbon.