ELA, LAB, Steilas, CCOO eta UGT sindikatuek mobilizazioei eutsi eta EAEko hezkuntzan lanuzteak hasi dituzte ikastetxe publiko zein itunpekotan. Sindikatuen arabera %65eko jarraipena izan du hezkuntzako grebak. Bilbon, Donostian eta Gasteizen manifestazioak egin dituzte, eta hezkuntzako langileek ez ezik, ikasle eta guraso talde batzuek ere parte hartu dute.