Astelehenean hasi zen Orkoiengo talde bortxaketaren epaiketari dagokionez, biktimak berretsi egin du gertatutakoa ikertu zuen Iruñeko Instrukzioko 1. Epaitegian emandako testigantza.

Espainiako Gobernuak Kataluniako bederatzi buruzagi independentisten indultuak onartu ditu, baina indultu partzialak eman dizkie. Hiru urte eta erdi egon dira preso eta gaur kartzelatik atera dira, baina ezarri zaizkien inhabilitazio zigorrak bete beharko dituzte. Pedro Sánchez presidenteak indultuen inguruko xehetasunak eman ditu, eta bidez batez, jakinarazi du Espainiako Gobernuaren erabakia atzera botatzeko aukera dagoela.

Adierazpen horiek Estrasburgoren ebazpena jaso eta biharamunean egin ditu ezker abertzaleko kide historikoak. Giza Eskubideen Europako Auzitegiak Espainiako Estatua zigortu du, Tasio Erkizia ezker abertzaleko kidearen adierazpen askatasuna ukatzeagatik. Zehatzago esanda, Jose Miguel Beñaran Ordeñana Argalaren omenaldi batean eginiko hitzartzeagatik jasotako zigorragatik zigortu dute espainiar Estatua. Estrarburgok ebatzi du Erkiziak ez zuela ez zuzenean ez zeharka indarkeria goraipatu.

Sortuk prentsaurrekoa eskaini du Estrasburgoren ebazpena azaltzeko, eta bertan, Erkiziak nabarmendu du Espainiako Estatuko botere judiziala "gainbeheran" dagoela aspalditik.

Udara hasi berri, zein da herritarren asmoa datozen hilabeteetarako? Batzuk Euskal Herrian geratuko dira, beste batzuek kanpoan igaroko dute oporraldia eta badira jada Euskal Herrian oporretan daudenak ere. Gasteizen izan gara herritarren ahotsa jasotzen.

Covid-19aren eraginpean dauden enpresen eta autonomoen kaudimenari laguntzeko zuzeneko laguntza finalistak kudeatzeko aginduari bide emango dion dekretua onartu berri du Jaurlaritzak. Araban, Bizkaian eta Gipuzkoan laguntza horiek gutxi gorabehera 270 milioi eurokoak izango dira; 218 milioi euro Espainiar Estatuko funtsekin finantzatuak eta 50 milioi euro Eusko Jaurlaritzak jarritakoak.

“Gizaseme-alaba, gizakia da, pertsona da besteei esker”. Hori da Afrikako hegoaldean lantzen den esaera eta ikuspuntua: Ubuntu ikuspuntua. Baina zer da Ubuntu? Caparroseko ikastetxeetara gerturatu gara.