Ekonomia

All Stories

Urko Herrera, (Alconzako langile-batzordea): 'Irizarrek Alconzako planta itxi nahi du'

Euren lanpostuen defentsan eta fabrikaren etorkizenaren alde, otsailaren 28an ekin zioten grebari Alconzako lantegiko langileek. Irizar Taldeak enplegu-erregulazioa ezarri zuen, eta, ondorioz, 25 langile kaleratu zituen. Kaleratzeen erabakia auzitegira eraman zuen langile-batzordeak, epaiketa ekainaren 28an izango da.

Greba 'historikoa' Mercedesen, % 95eko eta % 75eko jarraipenarekin

Ekoizpen-lerroak gelditzea lortu du Mercedeseko grebak. Langileak zuzendaritzak eskatzen duen ''malgutasunaren'' kontra mobilizatu dira.

Jarraipena % 95ekoa izan da sindikatuen arabera, eta % 75ekoa enpresaren arabera. Sindikatuen arabera, greba "historikoa" izan da. ELA, LAB, ESK, UGT eta CCOO sindikatuek manifestazio bateratua egin dute.

Multinazionalak 1.200 milioi eurotik gorako inbertsioa aurreikusi du 4.700 langile inguru dituen Gasteizko lantegian, eta, akordiorik lortu ezean, bertan behera gelditu liteke.

Lau eguneko kanpaldia antolatu dute Alconzako grebalariek euren lanpostuen defentsan

Ekainaren 20an kanpaldia abiatu zuten Alconzako fabrikako grebalariek Berangoko udaletxearen atarian, eta bertan egongo dira bihar arte. 115 egun daramatzate greba mugagabean Irizar Taldeak erregulazio-espedientea ezarri zuen, hori dela eta 25 behargin kaleratu zituen zuzendaritzak. Bada, erabakia auzitegira eraman zuen langile-batzordeak, ekainaren 28an izango da epaiketa.

Leire Gallego, ELA: 'Etxeko langileen hitzarmena lortzeko bide juridikoa aztertzen ari gara'

Hamarkada bat baino gehiago geroago etxeko langileen eskubideak berretsi ditu Madrilgo Diputatuen Kongresuak. Hemendik aurrera, gainerako sektoreak dituzten lan-eskubideak izateko prozesua hasi da. Hala ere, Confebaskek ukatu egin zuen EAEko etxeko langileentzako lehen hitzarmen kolektiboa sortzeko lehen negoziazio mahaia eratzea. ELA sindikatuko gizarte ekintza arduradunak azaldu dizkigu honen ondotik datozenak.

‘Eraginez Piztu’ egitasmoa aurkeztu du D2030 sareak Debagoieneko trantsizio energetikoa sustatzeko

‘Eraginez Piztu’ proposamena aurkeztu du Debagoiena 2030 sareak Bergaran, eskualdearentzat lehentasunezkoa den trantsizio energetikoa sustatzea helburu. Eremu hiritarreko energia eredua eraldatzeko helburua duten zortzi proiektuk osatzen dute proposamena.

"Trantsizio energetikorik gabe, ez dago aldaketa klimatikoa gelditzerik", ohartarazi du Aritz Ameztegi D2030en proiektuko koordinatzaileak. Eskualdean kontsumitzen den energiaren %94,8 kanpotik datorrela azaldu du. Bestalde, Bagarak LKSren eskutik egindako ikerketaren arabera 2014an Debagoieneko herritarrei dagokien CO2 isurketa maila Europan gehien isurtzen duen hirugarren herrialdearen parekoa da, eta, aldaketarik ez bada, egoerak "okerrera egingo" du.

Gauzak horrela, 2020an Debagoiena 2030en Gobernu Batzordeak erabaki zuen Debagoienean iraunkorra eta berriztagarria izango den eredu energetikoa sustatzea: nagusiki sorkuntza berriztagarria, autokontsumoa, efizientzia eta sentsibilizazioa bezalako esparruak landuz.

Mercedeseko sindikatuek mobilizazioak antolatuko dituzte hilaren amaierarako

Lantegi gasteiztarraren zuzendaritzak akordioa sinatu du EAEko eta Arabako akordioekin, horien babesa bermatu eta sindikatuak hitzarmena sinatzera bultzatzeko.

Sindikatuen aldetik, kritiko agertu dira hitzarmenaren negoziazioaren bilakaera, erakundeen aldetik jasandako "presioa" eta zuzendaritzak planteatzen dituen baldintzekin. Hori dela eta, lanuzteak, mobilizazioak eta grebak planteatu dituzte datozen asteetarako.

hamaika telebista

11 laguntzaile

Image