Xabi Alonsok Donostiako Igeldon duen txaletaren eraikuntzak araudia betetzen duela ebatzi du Euskal Autonomia Erkidegoko Justizia Auzitegi Nagusiak. Epaiaren arabera, eraikinak indarrean dagoen araudiak ezarritako eraikuntza-parametroak betetzen ditu. Hala ere, ebazpena ez da irmoa. Ieltxo Kultur Elkarteak eta Haritzalde talde ekologistek alegazioak aurkeztu dituzte, aurreko epaian aztertu gabe geratu ziren ustezko irregulartasunak argitzeko eskatuz. Besteak beste, nekazaritza eta basogintza arloko lurralde-planaren balizko urraketak, sotoen gehiegizko kopurua eta sarbideen falta aipatu dituzte.