Alderdi independentisten arteko desadostasunak baldintzatu du Espainia eta Kataluniako Gobernuen arteko elkarrizketa mahaiaren lehen bilera. JxC-ek gobernuko kide ez diren ordezkariak izendatu ditu mahairako eta ERC-k z du horrelakorik onartu, herritarrak ordezkatzeko era bakarra Gobernuen arteko bilera izatea dela azpimarratuta.
Bi hamarkada igaro dira mundua astindu zuten atentatuak jazo zirenetik New Yorken; 2001eko irailaren 11k milaka hildako eta zauritu utzi zituen eta AEBtako kanpo politika baldintzatuko zuen: terrorismoaren aurkako gerra hasi zen. Hogei urte igarota, Afganistan Talibanen kontrolpean dago berriro ere. Hain zuzen, irailaren 11ko data hautatu dute Gobernu berriaren aurkezpena egiteko.
Asier Blas politologoa da eta EHUko irakaslea da. Bere esanetan, 20 urteren ostean, AEBek eta NATOk gerra galdu egin dute; azpimarratu du mundua orain baino 20 urte baino "okerrago" dagoela, eta hain zuzen, AEB jo du horren arduraduntzat. Blasek azpimarratu du AEB nazioarteko legedia urratzen aritu dela une oro, eta "indartsuenaren logika" nagusitzen saiatu dela. Hala ere, azpimarratu du ez zaiola ondo atera: "Gerra iraunkorrean egon da, eskubide zibiletan muga handiak ezarri ditu, eta nazioarteari begira, gerra iraunkor horrek milaka eta milaka hildako, errefuxiatuak, eta herrialdeen suntsiketa ekarri du".
Era berean, adierazi du "hegemonia trantsizioan" dagoela mundua, Txina delako orain EBren lehen bazkide komertziala. Bestalde, etorkizunera begira, bi hipotesi daudela adierazi du; batzuek diotenez, kaosak jarraituko du Afganistanen, eta gerra zibila piztuko da bertan. Bestetik, batzuk uste dute nazioarteko komunitatean txertatu ahal izateko pausoak emango dituztela talibanek: "Geopolitikoki, oso herrialde interesgarria da Afganistan, litioa dagoelako bertan; hor Txina izan daiteke protagonistetako bat, egiten ari den Zeta Bidean Afganistanek paper inportantea joka dezakeelako, eta politika ekonomiko eta komertzialak garatzeko bide berriak irekiko dizkiolako".
Iragan urtean pandemiak galarazi ostean, ohiko mobilizaziora itzuliko da Kataluniako Diada. ANCk antolatuta, manifestazio handia ospatzeko asmoa du independentismoak Katalunian, ‘Lluitem i Guanyem La Independecia’ lelopean larunbat honetan, irailaren 11n.
Kurtso politikoaren hasierako ekitaldian egin ditu adierazpen horiek, Lan Ministerioak, sindikatu nagusiak eta patronalak gaia eztabaidatzen ari diren bitartean. Datorren urtean ekonomia pandemiaren aurreko egoerara itzuliko dela ziurtatu du agerraldian eta suspertzea era justuan banatuko dela agindu du.
Suchetha Satish 16 urteko neska indiarrak Guinness Errekor bitxi bat lortu du Dubain. Zazpi ordu eta 20 minutuko kontzertu batean 120 hizkuntzatan kantatu du. Euskaraz ere ausartu da, Oskorriren kantu ezagun batekin.
Belgikako Gobernuarekin izandako negoziazioetan aurrerapausoak egon direla kontuan hartuta, maiatzaren 23az geroztik Bruselan gose greban zeuden 450 bat migratzaileek greba behin-behinean etetea erabaki dute.
Brexiterako akordioan Ipar Irlandari dagozkion gaietan aldaketak eskatu dizkio Londresek Europar Batasunari. Bruselak bereala erantzun du esanaz Ipar Irlandarako protokoloa Batasuneko estatu guztiek eta Erresuma Batuko egungo gobernuak adostu zutela, eta ez dutela inolako aldaketarik negoziatuko.
David Frost, gobernu britiniarraren Brexiterako negoziatzaile buruak adierazi du oraingoz bi aldeek "geldialdi" bat adostu beharko luketela, protokoloak planteatzen dituen auziak nola konpondu negoziatzeko. Bitarte horretan, gainera, Britainia Handia eta Irlanda artean merkantziei ezarri beharko litzaizkieken aduana-kontrolak ez aplikatzen jarraitzea proposatu du.
Egoerak Ipar Irlandari kalte egiten diola salatu du, eta beraz oreka berri bat bilatu behar dutela orain Erresuma Batuak eta Europar Batasunak. Bruselak ez du ordea dagoeneko adostutakoa berriz negoziatzen hasteko inolako asmorik. Maros Sefcovic Europako Batzordeko presidenteordeak adierazi du prest daudela sor daitezkeen egoerei aurre egiteko konponbideak bilatzeko, baina ez dutela protokoloa berriz negoziatuko.
Azpimarratu du Londresek orain birnegoziatu nahi duen protokoloa negoziaketa prozesu luze baten ondoren alde guztiek onartu zutela, eta protokoloaren helburuetako bat Ipar Irlandako bake akordioa errespetatzea dela.
