1985eko otsailaren 19an, hegazkin bat erori zen Oiz mendian (Bizkaia). Hegazkinaren ezkerreko muturrak 1.000 metrotara jarrita zegoen ETBren antena bat jo zuen. Ezkerreko hegala askatu zen eta “kontrolatzeko aukerarik gabe”, hegazkina mendian erori zen.
148 lagun hil ziren, hegazkinean zihoazen guztiak. Bidaiarien artean Francoren ministro ohi bat eta hainbat enpresari egoteak konspirazio teoriak eragin zituen eta erantzukizuna ETAri egotzi zionik ere izan zen.