Alardearen inguruko iritzia jasotzeko Udalak inkesta egin die 400 hondarribitarri telefonoz, adin eta genero aldetik modu orekatuan. Datuen artean jasotzen da emozionaltasun handia dago gaiari aurre egiteko orduan. Hondarribiko Alardearen egoera tristurarekin, lotsarekin eta asperdurarekin erlazionatu dute herritar gehienek. Baina finean, Hondarribiarentzat nahiago dutenaz galdetuta, alde handiarekin, Berdintasunezko Alarde bakarra nahi dutela erantzun dute. Eta nahiago dutela alarde bakarra non emakumeek rol desberdin guztietan parte har dezaketen, Alarde tradizional bat bakarrik izatea baino.

Oiongo Udalak baiezkoa eman dio Labrazako parke eolikoa eraikitzeari. Osoko bilkuran proiektuak oniritzia jasotzen zuen bitartean udaletxearen kanpoaldean tentsioa handiko momentuak bizi ziren, dozenaka pertsonak protesta egin zuten proiektuaren eta udalaren kontra, “Labraza ez dago salgai, defenda dezagun” bezalako aldarrikapenak oihukatuz.

Dirudienez, Udala, EH Bildu agintean duelarik, parke eolikoaren proiektua behin betiko onartzera behartuta dago, honek baldintza guztiak betetzen omen dituelako.

Egun, EAEn 15 parke eoliko eta 3 fotovoltaiko daude tramitazioan, hain zuzen, Eusko Jaurlaritzak aurreko urtean onartutako Lege baten arabera, 2030 urtean energia berriztagarriek energia kontsumoaren %32 estali behar dute. Momentu honetan kontsumoaren %9 estaltzen dute.