Mikel Reparaz kazetaria elkarrizketatu dugu gaurkoan "Gurean Gaur" magazinean. Euskadi Literatur Saria jaso du gaztelaniazko saiakera onenari, 'Las grietas de América', (Amerikaren arrakalak) kazetaritza liburua idazteagatik. Pozik eta harro sentitzen dela azaldu du epaimahaiak halako kazetaritza lan bat aintzat hartu izanagatik.

'Amerikaren arrakalak’ liburuak AEBko arrazakeria eta horrekin lotuta, poliziaren indarkeria islatzen ditu besteak beste. Egoera hau estrukturala dela azpimarratzen du Repazek; Estatu Batuen oinarrietan bertan errotuta dagoen errealitatea dela.

Obama eta Trumpen garai arteko botere aldaketak suposatu zuenaz, Trumpismoak munduan zehar utzi duen itzal luzeaz, Trumpek aurkeztutako sare sozial berriaz eta AEBko Senatuko hauteskundeen zein hauteskunde presidentzialen aurreikuspenaz hitz egin du Reparazek.

Maialen Olabe Euskadiko Gazteriaren Kontseiluko presidentea elkarrizketatu dugu Hamaika Telebistan. Gazteen emantzipaziorako zailtasunak eta erronkak; lan arloan dauden gabeziak, prekarietatea eta genero arteko arrakala; komunikabide jakin batzuek gazteen aurka eginiko kriminalizazio kanpaina eta guzti horrek osasun mentalean duen eragina aztertu dugu.

Gaurkoan, Garbiñe Biurrun izan da "Gurean Gaur" magazineko elkarrizketatu nagusia.

Ana Mezo Euskal Herriko pentsiodunen mugimenduko kidea elkarrizketatu dugu Hamaika Telebistan.

Leire Bilbao Innobasque Berrikuntzarako Euskal Agentziaren zuzendaria elkarrizketatu dugu Hamaika Telebistan. Innobasquen lan lerro nagusiak eta proiektuak azaldu ditu Bilbaok. Etorkizunera begira euskal enpresen erronken artean digitalizazioa eta jasangarritasuna aipatu ditu, "gizartean transbersalak" izango direnak aurrerantzean. Besteak beste, prospektiban, formakuntzan, elkarlanean eta nazioarteko harremanetan jarri du fokua berrikuntzarako bidean.

Hona hemen elkarrizketa osorik entzuteko aukera.

Deabru Beltzak kale antzerki taldeko zuzendaria den 'Garbitxu'ri egin diogu elkarrizketa "Gurean Gaur" magazinean. Kale ikuskizun onenaren Max Saria jaso berri du taldeak,  'Simfeuny' lanagatik: "Izugarrizko aldaketa suposatu du sariak, ez genuen inondik inora saria jasotzea espero, indarrez bete gaitu" azpimarratu du 'Garbitxu'k.

Jaime Tapia Espetxe Erakundeetarako Eusko Jaurlaritzaren aholkularia elkarrizketatu dugu Hamaika Telebistan.

Aieteko Bake Konferentziatik hamar urte beteko dira igandean. Horren inguruko hausnarketa egin du lehenik Tapiak. Dioenez, bakea “berretsi” egin da urte hauetan eta ildo horretan nazioarteko adituen lana goraipatu du. Bake prozesuan, “denok” lagundu behar dugula azpimarratu du. Belaunaldi berriei begira, “egora hori berriro errepika ez dadin”, memoria mantentzea ikusi du beharrezko.

Espetxe eskumena eskuratuta, Eusko Jaurlaritzak espetxe eredu berri bat eraikitzeko lanean da Tapiaren aholkularitzaren bitartez. Azaldu duenez, “justizia errestauratiboa” izango du ardatz eredu berriak. Ildo horretan, topaketa errestauratiboen programa martxan jarriko dutela adierazi du, “preso guztientzat”. Aurreikuspenen arabera, “datorren urtetik aurrera” egongo litzateke martxan.

Justizia errestauratibo horretan “birgizarteratzeak” hartuko du protagonismoa. Bide horretan, gutxienez presoen %40a erdi askatasuneko erregimenean egotea da “helburua”. Preso bakoitzaren egoera “aztertu” egingo dutela nabarmendu du Tapiak, eta adibide gisa jarri ditu adinekoak edo gaixotasunen bat dutenak, erdi askatasuneko erregimenaz gozatzeko aukera izan dezaketenen artean.

Euskal Preso Politikoen Kolektiboari buruz galdetuta, Tapiak azaldu du beraien ustetan ez direla “kolektibo bat” eta beraz, “banan banan” aztertuko dutela preso bakoitzaren egoera, bai euskal presoena zein “besteena”. Unai Fanoren kasua gogora ekarrita, Auzitegi Nazionalak hirugarren gradua kendu baitio, Tapiak baieztatu du: “Azken hitza edo erabakia beti hartu behar du epaile batek”. Haren ustez, hori ere bada justiziarako “berme bat”.

Birgizarteratze bidean, Eusko Jaurlaritzak sortu berri duen ‘Aukerak’ agentzia izan du hizpide. Horren ardatza izango da presoen formakuntza profesionala, espetxetik irtetean “lan duin bat izan ahal izateko”.

Espetxe barruan emakumeen egoeraz galdetuta eta horiek izan dezaketen seme-alaben egoerari erreparatuta, abusuak eta indarkeria jasan duten emakumeen egoera “aztertu” egin behar dutela dio, “laguntza” emateko. Horretarako, Emakunden laguntza izango dute. Bizkaian emakumeentzako zentrorik ez dagoela nabarmendu du, eta “alternatibetan” pentsatzen ari direla azaldu du. Besteak beste, erdi askatasunerako erregimenari lotuta, “emakumeen kasuan %40tik gora izan daiteke”.

Tapiak ez du uste gaur egun ezagutzen dugun espetxe sistema eta beste justizia eredu bat ezartzeko moduan gaudenik, “gizarte osoa ez dago prest espetxeekin amaitzeko”. Bestalde, zenbait delitu larrien aurrean “ezinezkoa” ikusten du orain espetxerik ez izatea. “Daukagunetik abiatu eta hobetuko dugu”, borobildu du. Bide horretan, Zubietako espetxea eraikitzeak “lagundu” egingo duela azpimarratu du.

Angel Elias izan dugu gaurkoan "Gurean Gaur" magazineko gonbidatu nagusia. EAEn Baldintzarik Gabeko Oinarrizko Errentaren aldeko Legegintzako Herri Ekimenaren sustatzaileetako bat da.

Gaurkoan, Ana Viñals, Elkarrekin Podemos Bilboko bozeramailea elkarrizketatu dugu "Gurean Gaur" Magazinean.