Sakonean

Defense for Children International-Palestina: “Aurten 75 adingabe palestinar hil ditu Israelek”

Urtero 500 eta 700 adingabe palestinar atxilotzen ditu Israelgo sistema militarrak Defense of the Children International-Palestina erakundearen datuen arabera. Gaur gaurkoz, 200 haur eta gazte adingabe palestinar daude espetxeratuta Isralelgo kartzeletan. Halaber, erakundeak deitoratu du helduentzako espetxe militarretan sartzen dituztela haurrak, haurrentzako ziegetan, bat edo bi metro karratukoak.

Hala, palestinar ordezkariak Hego Euskal Herrian izan dira legedi militarraren pean adingabeek jasaten dituzten eskubide urraketak ikusarazteko. Afera gertutik ezagutu nahian, Hamaika Telebistak hitz egin du Ayed Abu Eqtaish Defense for Children International Palestine erakundeko Kontuak Emateko zuzendariarekin.

Abian da Errigora 2021 kanpaina, auzolanean 'euskarari puzka' emanez

Errigora elkarteak, urtero bezala, Agerraldia egitasmoa jarri du martxan, Nafarroako produktuak erosiz euskara bultzatzeko. Urtero bezala, goizean auzolana egiten dute, zonaldeko produktuekin betetzen dituzte 15.000 kutxa; eta urte honetan, Tuteran kalejira eta hiru kontzertu prestatu dituzte, 3.000 pertsona jaso zituenak.

Urriaren 23tik azaroaren 11ra arte nafar produktuez osatutako saskiak izango dira salgai, Errigoraren euskarari puzka kanpainaren baitan. Hiru saski mota egongo dira erosleen eskura: saski beltza, Errigoraren klasikoa (55€), saski berdea, ekologikoa (65€), eta saski zuria (75€), berezia. Horiek eskatu edo erosteko, 700 salmenta-puntu izango dira Euskal Herriko herri ugaritako taberna, denda, ikastola, udaletxe zein euskaltegietan.

Andecha Astur: 'Asturierak beste hizkuntzek dituzten eskubideak izatea nahi dugu'

Mende erdi inguru darama Xunta pola de Denfensa de la Llingua plataformak asturiera eta asturiasko galeagoren ofizialtasunaren alde borrokan. Larunbatean, 50.000 asturiar kalera atera ziren, hala, hizkuntzen ofizialtasunaren aldeko aldarriak inoiz baino ozenago entzun ziren. Horrela, asturiarren hizkuntzaren egoera gertutik ezagutzeko asmoz Hamaika Telebistak Xunta pola Denfensa de la Llingua plataformarekin eta Andecha Astur talde politikoarekin hitz egin du.

Nafarroa XXI “Demokrazia, eskubide eta askatasun gehiago”

Nafarroako jendarte zibileko hainbat ordezkarik aurkeztu dute dinamika. Foru Amejoramenduaren 40 urteko ibilbidearen mugarri ezarri dute eztabaida sustatzeko asmoz.
Nafarroaren autogobernu galerarekin kezkatuta, “arrazoi guzti horiek tarteko, bada garaia Nafarroa demokratikoago eta sozialago baten norabidean pausoak emateko, eskubide eta askatasun gehiago izango dituen Nafarroa baterantz” nabarmendu dute sustatzaileek.
Sabino Cuadra, Maitane Eraso, Zaloa Basabe sustatzaileen hitzak jaso ditu Hamaikak.
“Demokrazia, eskubide eta askatasun gehiago” manifestua argitaratu dute na21.org webgunean.

Azken hamarkadan aurrerapauso handiak, baina osatu gabeko bake prozesua

Aieteko Konferentzia egin zenetik hamar urtera, Donostian elkartu dira berriro ere Euskal Herri osoko ordezkaritza zabalarekin. Ordutik aurrerapen handiak egin dira, baina osatu gabeko bake prozesua da, nazioarteko bitartekariek ondorioztatu dutenez. Conciliation Resources erakundeak, Berghof fundazioak, Foro Sozialak eta Bake Bideak antolatu dituzte jardunaldiak eta horiek jarraitzeko aukera duzue Hamaika TBn.
hamaika telebista

Image