2022-23 urtekaria argitaratu du dagoeneko Behategiak. Urtekariak aurreko urteak emandakoaz gain, aurten erdigunean egongo diren hainbat gai bildu dituzte, hau da, 2023an dauden erronka nagusiak jaso ditu urtekariak. Bada, gaia sakonean lantzeko Hibai Castro Behategiko ikerlari batekin izan da Hamaika Telebista!

Hamaika Telebista ahotsa azpidatzi moduan ematen hasi da bere web orrian, Orai NLP Teknologiak langunearekin elkarlanean. Duela aste batzuk dago martxan eta frogatuta: adimen artifiziala baliatuz, bideoetan esandako hitzak azpititulu bihurtuko dira hemendik aurrera www.Hamaika.eus webgunean.

Gaur bertan egin da egitasmoaren aurkezpena Hamaika-k egoitza duen Donostiako PIA eraikinean. Bertan parte hartu dute Hamaikatik Maddi Mochales berrikuntza eta teknika arduradunak eta Iñaki Uria zuzendari nagusiak; Orai NLP-tik, Igor Leturia eta Iñigo Morcillo garatzaileak eta Josu Aztiria zuzendariak. 

Proiektu berri honek helburu bikoitza du bere baitan: audio bidez albistea jarraitu ezin duenari atea zabaltzea, eta euskara ikasten ari denari albistea jarraitzeko eta euskaraz trebatzeko tresna berria eskura jartzea.

Lehen urrats batean, Hamaika-ko albisteetako off ahotsa eta protagonisten hitzak ageriko dira azpidatzita, webguneko Gurean Gaur ataleko ekoizpenetan zehazki. Nolanahi ere, aurreikusita dago sistema webguneko zuzenekoetan edota ohiko telebistako zuzenekoetan ere aktibatzea. Urratsez urrats, aurrez grabatutako saioetan ez ezik, eduki gehiagotan ere azpidatziak eskaintzeko joera lantzen jardungo du batetik, eta beste hizkuntzetan daudenak euskarara ekartzen ere bai bestetik.

Orai NLP Teknologiak adimen artifizialeko languneak garatu du transkribapen eta azpidatzi automatikoak egiteko soluzio teknologiko adimenduna, hizketa-ezagutza automatiko bidezkoa. Inplementazioa, berriz, KAM telekomunikazio enpresak egin du.

Hamaikaren eta Orairen ordezkariek Heraldabide eta Hiekadi proiektuen emaitza gisa aurkeztu dute egitasmoa. Euskadi–Akitania Berria–Nafarroa euroeskualdearen "Hiritartasuna" deialdiaren eta HAZITEK 2020 eta 2021 deialdien laguntza izan dute, eta, horrenbestez, Euroeskualdearen eta Eusko Jaurlaritzaren Ekonomiaren Garapen, Jasangarritasun eta Ingurumen Sailaren laguntza eta babesa eskertu dute.

Etorkizunera begira, hainbat erronka ditu Hamaikak Orai NPL-rekin lankidetzan garatzeko. Hamaika Telebistaren eraldaketa digitala bultzatzeko eta adimen artifizialeko beste hainbat teknologia aplikatzeko, bi erakundeek bide-orri teknologiko bat garatuko dute, elkarlanean jarraitzeko asmotan. Hainbat aukera jarri nahi dituzte martxan, hala nola elkarrizketak azpitituluetara ekartzea, euskalkietan egiten diren hitzartzeak azpitituluetara ekartzea, azpitituluak beste hizkuntza batzuetara itzultzea, audioa beste hizkuntza batzuetan ere sortzea, beste hizkuntza batzuetakoa euskarara automatikoki bikoiztea, testuetatik hitz-gakoak erauztea edota laburpen automatikoak egitea.

Antzerkiez, kontzertuez eta erakusketez gain beste hainbat aukera daude aisialdiaz disfrutatzeko. Gero eta euskarazko eskaintza zabalagoa da eta horrek gazteen interesa pizten du. Gasteizko lankideek bideo-jokoetan aritzeko eta scape room bat egiteko bi aukera eskaini dizkigute.

Udalbiltzak "Geuretik Sortuak" ekimenaren bigarren edizioa aurkeztu du Beran.

Jada ikusgai dago Nekane Arambururen ‘90 berriak’ entsegu erakusketa San Telmo Museoan. 1990eko hamarkadan lan egin zuten hainbat kolektibo artistikoren lanak bildu dituzte. Haietako batzuk oraindik ere jardunean daude nazioartean edo gure artean, hala nola, El Gallinero, Zelai Azpi, Zapatari, Arteleku, La Fiambrera, Las Chamas edo Consonni.

Enpresa transnazionalen eta giza eskubideen euskal zentro bat sortzea aldarrikatzen du Euskal Herriak Kapitalari Planto! plataformak. Eta zentro publikoa sortzeko ez-legezko proposamena eztabaidatu da ostegun honetan Eusko Legebiltzarrean, baina ez du behar besteko babesik izan aurrera ateratzeko. Egitasmoak Kapitalari plantoren proposamena du oinarri, baina EH Bilduk eta Elkarrekin Podemos-IUk aurkeztu dute modu bateratuan. Zentroak ezaugarri hauek landuko lituzke bereziki: izaera publiko eta juridikoa izatea, enpresen erregulazioa, kontrol publikoa eta demokratikoa eta erakunde publikoen eta gizartearen arteko lankidetza bermatzea.

Lanak teknologiaren erabilera eta gizartean daukan eraginari buruz hausnartzen du. Hodei Magoak publiko guztientzako ikuskizuna eskaintzen digu. Magia, umorea eta hainbat sentsazio izango dira lan horren protagonistak. Euskal Herri osotik izango da Hodei Magoa eta Gasteizko lantaldea berarekin izan da.