Pertsonen eta familien beharrei erantzuteko helburuarekin, Gobernu Kontseiluak zenbait neurri onartu ditu enpleguaren eta gizarte-politiken arloan. Koronabirusaren ondorioak arintzera bideratutako 1.025 milioi euroko funtsaren barruan dago neurri sorta. Horien artean, Gizarte Larrialdietarako Laguntzak finantzatzeko gordetako aurrekontu zuzkidura 16 milioi euro handitu izana nabarmendu du Urkullu lehendakariak.