Auzolana, militantzia, ilusioa, konpromisoa eta, borondatea; 8.848 metroetatik heldutako albisteaz gabiltza. 1980ko maiatzaren 14an, Martin Zabaleta hernaniarrak eta Pasang Temba sherpak ikurriña munduko gailurrik garaienean jarri zutenekoaz. 40 urte pasatu dira ordutik eta, urteurren borobil honetan, Everestera atzera bidaia egin dute Felipe Uriarte espedizioko partaideak eta, Ramon Olasagasti “Everest, herri oso bat gailurrean” komikiaren egileak.