Iruña Veleiako oppidumeko harresiaren hegoaldeko atea sendotu eta hari balioa emateko proiektua gauzatu du azken hilabeteetan arkeologo talde batek. Aztarnategiaren eremurik agerikoena da. Ildo horretan, Ramiro Gonzalez Arabako ahaldun nagusia eta Bingen Zupiria Lakuako Kultura eta Hizkuntza Politikako sailburua aztarnategian izan dira lana egin duten arkeologoekin batera. Iruña Veleiako monumentu multzoa Arabako gune arkeologikorik zabalenetako bat da.