Urte luzez emakumeen eskubideak defendatzen aritu diren emakumeei omenaldia egingo die erakundeak. Horrekin batera “katean jarraitzeko” deia luzatuko die generazio berriei. Ekintza, Nazio Batuen Erakundeak martxan jarri duen “Generation Equality” kanpainarekin bat datorrela adierazi dute. Izan ere, emakumeen eskubideen alde lan egin duten belaunaldiak omendu nahi ditu ekimenak. Horrekin batera, Beijingo Adierazpen eta Ekintza Plataformaren, Berdintasun Legearen eta Garapen Iraunkorreko Agendaren urteurrenak ospatu nahi dituzte.