“Un violador en tu camino” performance-a Txilen hasi eta mundu osora iritsi da, baita Euskal Herrira ere. Las Tesis artista feministek sortu dute Hego Amerikako herrialde honetan, emakumeek bizi duten egoera salatzeko. Hauek deialdia zabaldu diete munduko emakume feministei performancea errepikatzeko, Txilen gertatzen dena mundura zabaltzeko helburuz. Emakumearenganako indarkeria erabiliz egoera politiko eta soziala zabaltzeko. Zerbait internazionala bihurtu dela dio Carmen Caresek, Gipuzkoako Txiletarren Sareko kideak. Bere hasierako helburua piskat galdu dela iritzi dio.