Eusko Jaurlaritzak Nekazaritza eta Klima Aldaketaren Mahaia bildu du, aurreikuspenek sektoreari aurrea hartzea eta laguntzea eskatzen dutelako. Lehorteak eta klima aldaketak lehen sektorean izan ditzaketen ondorioak aztertu dituzte, une zailak bizi baitituzte lehengaien prezioen igoeragatik eta azken hilabeteetako ur faltagatik. Testuinguru horretan, era eraginkorrean ureztatzeko eta animalientzako bazka ekoizpena handitzeko eta autokontsumoa sustatzeko proposamenak eta neurriak hartu dituzte.