Iazko etenaldi behartuaren ondoren, aurten martxoaren 23tik 27ra ospatuko da Gutun Zuria Bilboko letren jaialdia. Antolatzaileek azaldu dutenez, momentuko baldintzetara moldatzen ahalegindu dira eta hainbat estadiotan garatuko den jaialdia izango da une bakoitzean sortzen den egoerara moldatuko dena. Hala, Bilboko Azkuna Zentroan izango dute tokia egitarauaren zenbait ekitaldi baina streaming eta podcast bidez ere eskainiko dituzte beste batzuk.