Skip to main content

Galdeketaun lehiaketa, mugikorraren bidez


Martxan da Galdeketaun lehiaketaren hirugarren edizioa. Mugikorrerako aplikazioaren bitartez, 12 eta 17 urte arteko gazteek euskaraz jolastu eta bertoko kulturaz ikasteko aukera izango dute. Bilboko Udalak eta Nontzeberri atari digitalak hirugarrenez antolatuko dute txapelketa, aurten Itsas Museoaren kolaborazioarekin.


Zinema

Euskalduna ontziolaren gatazkan emakumeek aurrera eraman zuten borroka jasotzen du "Nosotras, mujeres de Euskalduna" dokumentalak. Larraitz Zuazo zuzendariaren eskutik, 80ko hamarkadan jazotako gertakari horiek protestetan egondako emakumeen ikuspuntutik biziko ditugu. Zinema dokumentalaren eta film laburren Zinebi jaialdiaren 58. edizioaren baitan emitituko da lana azaroaren 19an eta Arriaga antzokian azaroaren 26an.


Gaikakoa

Gurean Gaur saioan, Ane Muguruza Egiari Zor fundazioko bozeramaile eta Josu Muguruzaren alaba izan dugu. Azaroaren 20an 27 urte beteko dira Muguruza hil zutenetik. Iheslaria, presoa, HBko mahai nazionaleko kidea eta Egin egunkariko kazetaria izan zen. Egia eta memoriari buruz aritu gara Anerekin.

Zaindu zaitez

Duela 7 urte jaio zen zakildun neska da Alai. Bere aitarekin izan gara egoerari aurre nola egin zioten jakiteko. Bestalde, Nagore Enciso dietistak, kalean hainbatetan entzuten ditugun mito horiek egia edo gezurra diren argitu digu. Azkenik, Juan del Arco farmazialariak argaltzeko produktuen atzean izkutatzen den iruzurraren berri eman digu.


Hona Hemen

Aurten ere Bilboko Udalak hezkuntzaren arloan bikaintasuna saritzeko, 2015-2016 ikasturtean DBHko 4. maila egin zuten hamar ikasleri Casilda Iturrizar andrea-Epaltzaren Alarguna beka eman die. Batxilergoa, lanbide-heziketa eta horien osteko unibertsitate-ikasketak egiteko Bilboko ikastetxeetako ikasle bikainentzako laguntza ekonomikoak jaso dituzte.

 
bannerra

bannerra