MusikaZuzenean TB 273 saioko erreportaje nagusia grabatzeko Gasteiz hiriko Helldorado aretora jo dugu. Bertan, Pinpilinpussies taldeko Ane eta Raquel genituen zain argitaratu berri duten 'Ni un paso atras' (Aloud diskoetxea) diskoa besapean. Bikoaren bidea ezagutzeko luze eta zabal aritu gara Come o Muere jatetxe ederrean.

Hitz Bitan atalera, berriz, Josu Erviti musikari eta soinu teknikaria gonbidatu dugu, Bere Erviti estudioan disko ederrak grabatzeaz gain, Modus Operandi edo Suakai taldeetako kidea da, bai eta Olaia Inziarte eta Esti Markez abeslarien bateria-jotzailea ere. Bere gustuko disko, areto eta kantuen inguruan aritu zaigu laburrean.

Saio guztiak hamaika.eus eta youtuben.