MusikaZuzenean telebista saioren 274 ataleko erreportaje nagusia grabatzeko Tik tara taldeko kideekin elkartu gara. Hamarkada luze bat darama taldeak gurean erritmo beroak jorratzen, eta estudioko azken emaitza duten 'Ubera' diskoan, Hego Ameriketako zazpi herrialdetako doinuak ekarri dituzte gurera. Taldeaz eta diskoaz gehiago jakiteko musikariekin elkartu gara Zumaiako Aita Mari antzokian.
Hitz Bitan atalera, berriz, Xabier Lizarrondo gonbidatu dugu, Herenegun musika taldeko abeslaria. Bere gustoko diskoa, areto eta kantuen inguruan aritu zaigu laburrean.
Saio guztiak nahieran hamaika.eus eta youtuben.
