ONEKA emakume pentsiodunen Euskal Herriko plataformak bere lehen asanblada ospatu du Bilbon. Ostean, azaroaren 25ari begira, adineko emakumeen egoera larria salatu dute, bereziki arriskuan dagoen kolektiboa direla adierazita. Izan ere, besteak beste, indarkeriaren aurka babesgabetasun egoeran daudela eta soldata-arrakalak pentsioetan duen eragina azpimarratu dute.