Udaletxearen aurrean elkartu dira hainbat lagun, Ongi Etorri Errefuxiatuak elkarteak deituta. Azken zenbaketaren arabera, ia 500 pertsonak kalean egiten dute lo Bilbon, eta salatu dute Bilboko Udaleko SMUSa jantokietarako tokiak ukatzen ari dela.

Duela 3-4 hilabete arte, eskatzen zuen pertsona orok 2 edo 3 otordu jasotzen zituen egunean SMUStik. Ordea, salatu dute hilabete hauetan pertsona askori janaria ukatu zaiela.