EH Baik eta LABek elkarretaratzea egin dute Baionako suprefetura aurrean, Kanakyri elkartasuna adierazteko eta konponbide politikoa eskatzeko.

Noumeako akordioen esparrura itzultzea eskatu diote Frantziako Gobernuari. Adierazi dute hautesle-erroldaren erreforma bertan behera utzi behar dela eta elkarrizketa berrabiarazi. Izan ere, erreformaren bidez, hamar urteko egonaldia egiaztatzen duten egoiliarrei boza emateko eskubidea aitortuko zaie; ondorioz, erroldan kanakak gutxiengo bilakatzeko arriskua handitu da.