LGTBI pertsonen kontrako indarkeria kasuak zenbatzen hasi ziren Lumagorri kolektiboan 2017an. Inon jasotzen ez ziren gertakariak kontuan hartu nahi zituzten. Helburu hori berarekin, 2019an Ikusgune behatokia jaio zen. Lumagorrik egindako txostenei jarraipena eman zien eta ordutik zazpi ikerketa burutu ditu. Kaleratutako azkenekoak, 2023koak, 28 gertaera LGTBIfobiko jasotzen ditu, inoiz baino gehiago.