Nafarroa Gaur

Txantreako kale berriak frankismo garaiko emakume errepresaliatuen izenekin izendatzea eskatu dute

Txantreako kale berriak frankismo garaian errepresaliatuak izan ziren emakumeen izenekin izendatzea eskatu dute. Txantreako hegoaldea hazten ari da eta auzoan oraindik izenik ez duten kale berriak sortu dira. Iruñean emakume izena dutenak oso gutxi direla jakinda, oposizioko talde politikoek proposamen bat egin zuten. Nahiz eta udalean proposamena onartu, azken erabakia alkatetzaren esku dago.

Txantrean plataforma bat sortu da erabakia babestu eta emakume horien istorioa ezagutzera emateko.Plataforma Txantreako memoria historikoa lantzen duten taldeek, talde feministek, Txantreako gazte-taldeek eta TX Auzo ekimenak osatzen dute.

Josefina Lamberto hil da, Maravillas Lambertoren ahizpa eta oroimen historikoaren defendatzailea

93 urte zituela hil da Josefina Lamberto. Nafarroako oroimen historikoaren alde borrokatzeagatik zen ezaguna. Larragan (Nafarroa) jaio zen, 1929. urtean. Ama, Paulina, Alloko etxekoandre bat zen, eta aita, Vicente, herriko nekazari sozialista.

1936an aita eta ahizpa eraman eta hil egin zituzten falangistek. Josefinak orduan zazpi urte besterik ez zituen, Maravillasek, 14. Aita fusilatu egin zuten falangistek eta haren gorpua desagertuta dago geroztik. Maravillas, ostera, bortxatu, hil eta erre egin zuten.

Bere historia ez ahazteko borrokan egin du, munduak gertatutakoaren egia jakin dezan. Juan Luis Napal eta Virginia Senosiainek Josefina Lambertori buruzko dokumentala egin zuten 2020an, Larragako emakumearen testigantzekin. Maravillasen ahizpa izateaz haratago, Josefinak bere istorio propioa duela aldarrikatzea izan du helburu dokumentalak.

'Hezurren Memoria: 1936an Larragak garesti ordaindu zuen lurra banatzeko egindako ahalegina'

Dokumentalaren inguruan: Juan Luis Napal (Zinema ekoizlea): "Josefina Lambertok gorriak eta beltzak ikusi izan ditu"

Amaiuraldirako dena prest, etorkizunari begira, Amaiurko batailaren 500. urteurrena gogoan

Amaiuraldiak batailaren 500 urteak gogoratuko ditu ekainaren 5ean. Nafarroa Berriz Altxak antolatuta, Elizondo, Amaiur eta Baztango kideekin batera, datorren ekainaren 5ean Amaiuraldia ospatuko da, etorkizunari begira batailaren 500 urteak gogoratuz. Jai egunak hiru kilometroko ibilaldia eta herri bazkaria izango ditu.

Nafarroako 0-3 plataformako kideek pardel zikinak bota dizkiote Chiviteri

Maiatzaren 2an abiatu zuten Nafarroako 0-3 haur eskoletako langileek greba mugagabea. Koordinazio organoa atzo bildu zen hirugarrenez, auziari irtenbidea bilatzeko.


0-3 plataformako kideek ratioak jaistea, soldatak igotzea eta langileak gehitzea eskatzen dute. Gobernuak, euren aldarriak betetzen ez dituen proposamena egin die greba eteteko eskatuz. Langileek grebari eustea erabaki dute. Hartzen ari diren erabaki eta jarreren aurrean, Nafarroako Parlamentuan pardelak bota dizkiote Maria Chivite Nafarroako lehendakariari osoko bilkurara iristen ari zela. 


Horrez gain, aurrekontuetan aldaketak ezartzeko lan politikoa ahalik eta arinen egitea eskatzen dute langileek. Espero dute datorren asteazkeneko bileran Foru Gobernuak "finantza-mailan definitutako eta argi eta bermatuta proposamen bat" egitea.

Nafarroa Berriz Altxa: 'Nafarroak eta euskal komunitateak burujabe behar dute XXI mendeko erronkei heltzeko'

Duela 501 urte Gaztelako konkistatzaileen aurrean matxinatu ziren iruindarrak omendu ditu ekimen hiritarrak. Honekin batera, Nafarroa jazarri zutenen omenez dirauten kale izendegiak eta ikurrak seinalatu dituzte, tokirik ez dutela aldarrikatzeko.

Joseba Compainsek nabarmendu du Nafarroak, baita euskal komunitateak, oro har, burujabetza beharrezkoa garaiotako beharrei aurre egiteko.

Gauzak honela, ekainaren 5ean Baztanen antolatu duten Amaiuraldian parte hartzera dei egin du ekimenak “lau haizetara zabaldu dadin burujabetzaren aldeko aldarria”.

Nafarroa Berriz Altxa: Amaiuraldiaren atarian, Iruñeko Askatasun Martxa

"Ez inbasioaren ospakizun kalerik, ezta inbasoreei monumenturik ere!" aldarrikatu du Nafarroa Berriz Altxa ekimen hiritarrak.
Nafarroa jazarri zutenen omenez dirauten kale izendegiak eta ikurrek tokirik ez dutela aldarrikatzeko mobilizazioa egingo dute maiatzaren 21ean Iruñean. Ekainaren 5ean, bestalde, Amaiuraldia ospatuko dute Baztanen.

Nafarroako Gobernuko zazpi haur eskola batu dira 0-3 plataformak deitutako grebara

Nafarroako Gobernuko zazpi haur eskolak bat egin dute 0-3 urte bitarteko plataformak duela hiru aste deitutako greba mugagabearekin. Komunikabideei egindako adierazpenetan, Ninia Etxeko Isabel Erdociainek adierazi duenez, "Gaur egungo baldintzetan (hezitzaile bakoitzeko haur kopuru handia eta laguntzako langilerik eza) oso zaila da adingabeen garapen globalari eta ongizate fisiko eta emozionalaren lanketan laguntzea".

Modu horretan, "adingabeen ongizatea bermatuko duen" langile nahikoa, haur-eskolen doakotasuna, lan-baldintza "duinak eta berdinak" aldarrikatu ditu, baita haur-eskolak kudeatzeko udalentzako finantziazioa handitzea ere.

Eider Garde 0-3 Plataformako ordezkariak adierazi duenez, eskola horien atxikimendua "zoriontzeko eta pozik egoteko da aldarrikapenekin bat egiteak dakarren babesaz". "Gero eta gehiago gara eta ez gara nekatzen, errealitatea da eskola gehiago mobilizatzen ari direla", esan du, eta Nafarroan 103 eskoletatik 77 babesten ari direla, "Horietatik 59 greba eskubidea gauzatzen ari dira".

hamaika telebista

11 laguntzaile

Image