Aritz Ganboa artzainaren erronka bat biltzen du ikus-entzunezkoak. Gazta bat soinean, Nafarroako mendietan barrena murgilduko da, bere arbasoen herriak lotzeko: Sakanako Arruazu eta Erronkariko Izaba, 170 km luze eta 9000 metroko goranzko desnibela duen bide-lerroa.
Artzaintza ardatz hartuta, helburu bera duten hamaika ahots eta lekukotza jasoko ditu ibilbide horretan: landa eremua eta kultura balioestea eta landa eremu bizi bat aldarrikatzea, hiriaren eta landa eremuaren arteko zubiak eraikiz.
