Lehen aldiz, ekoizpen jardueraz haratago, nekazariek, abeltzainek eta baso-eragileek gizarte osoari egiten dioten ekarpena dirulaguntza bidez aitortu du Gipuzkoako Aldundiak, pertsona horien guztien lanak zuzeneko eragina baitu lurraldearen mantentzean, biodibertsitatearen kontserbazioan, natura-baliabideen kudeaketa iraunkorrean eta ingurumen orekaren eraikuntzan. Bada, baserritarrentzako laguntza horiek Bidaniako Amalarre baserrian iragarri dituzte Eider Mendoza diputatu nagusiak eta Xabier Arruti Lurralde Oreka Berdeko diputatuak.