Irailaren 15ean izango da BTT Mercedes-Benz mendi-bizikleta martxaren XII. edizioa. Olarizuko zelaietan izango du irteera eta helmuga, eta Gasteizko mendietatik barrena abiatuko da. Helduentzako bi lasterketarako 600 dortsal banatuko dira. Bi modalitate egongo dira; batetik martxa motza, 38 kilometroko ibilbidea eta 700 metro desnibel metatuarekin. Ibilbide luzean, bestetik, 55 kilometro osatu beharko dituzte txirrindulariek, 1.500 metroko desnibela igaroz ere.