2023an Ospa Eguna egin ez arren, Ospak ez du bere jarduna eten. Errepresioaren aurkako borroka berretsi dute: “Sistema kapitalistak dirauen bitartean burgesiak bere ordena mantentzeko ezinbesteko zaion tresna baita errepresioa”, dio zabaldu duten oharrak. “Errepresio horren islada poliziaren eskutik exekutatzen diren langileen aurkako ekintzak ditugu: etxegabetzeak, kontrolak, isunak, atxiloketak… Egunero irudi hauek ikustera behartua dago langile klasea eta egoerak bere horretan jarraitzen duen bitartean, errepresioa salatzen eta poliziarik gabeko gizarte baten aldeko borrokan tinko jarraituko dugu”, dio Ospak.