Guillermo Zuaznabar (Bilboko Arte Ederren Museoa) elkarrizketatu dugu Hamaika Telebistan. Bilboko Arte Ederren Museoa eraberritzen ari dira, eta Zuaznabarrek azpimarratu du hiritarrek museoa “guztiz berrituta” aurkituko dutela lanak amaitzean: “Lanak ondo doaz, eta epeak betetzen ari dira”.

Zuaznabarrek nabarmendu du museoaren bereizgarritasuna “eguneratzeko ahalmena” dela: “Euskal Herrian ez daude hainbeste erakunde 100 urtetik gora dituztenak, eta askoz ere gutxiago kulturaren alorrean. Museoak tradizio handia dauka, eta tradizio handi horren bereizgarritasunetako bat izan da eguneratzeko ahalmena”. Zuaznabarren esanetan, ondarearen egoera aztertzen duten instituzioak Udala, Aldundia eta Eusko Jaurlaritza dira, eta horiek proiektua onetsi dutela lehen egunetik.

Adierazi du lantokien baldintzak asko hobetu direla obra honekin, eta adierazi du langileek sotoan egiten zutela lehen lan. Horrez gain, azpimarratu du artisten obrak modu hobean erakusteko aukera emango duela, eraikinak berdin mantenduko direla, eta ez dutela ia parkea ukituko. Horrez gain, nabarmendu du Arriagako plazaren atzealdea topagune gisa berreskuratuko dela “herritarren onerako”. Era berean, Zuaznabarrek azpimarratu du Bilboko hirigintzan izandako aldaketekin bat datozela museoko eraberritze lanak.

Azken urteetako ibilbideari erreparatuta, Zuaznabarrek azpimarratu du museoak aldaketa “handia” jasan zuela 1992an Udala, Foru Aldundia eta Eusko Jaurlaritza patronatuan sartu zirenean, eta nabarmendu du horrek gizartera ireki zuela museoa. Horrez gain, euskal artearen “gordailu” izan dela azpimarratu du, eta gehitu du 80. hamarkadatik hona, Bilboko arkitekturari begirako museoa izan dela.