Kultura

All Stories

Delirium Tremens eta Rotten XIII taldeen kontzertuak, Hatortxu Rock-etik zuzenean, Hamaikan!

Asteburuan, Atarrabian ospatuko den elkartasun jaialdiaren babesleen artean da Hamaika Telebista eta larunbat gauean, uztailak 30, saio berezia eskainiko du 21.20etatik aurrera.

Piztu Hamaika, piztu Hatortxu eta gozatu rockaz ZUZENEAN larunbat gauean Hamaika Telebistan!

Saio berezia ikusteko aukera hainbat izango dituzte ikusleek: Telebistaz, lurreko telebista digitalaren bidez [LTD] edota Euskaltel bidez eta hamaika.eus/zuzenean bidez.

Ostiraleko ajeari bidea ireki gabe, Hatortxu Rock jaialdiaren 26.edizioak aurrera darrai

Naiz gunean antolatutako Elektrokela Elektrotxarangak emango dio hasiera larunbatari. Jarraian, Antton Telleria, Ibil Bedi, Zelanda, Hammond York, Lukiek eta Selekta Stepi ikusi eta entzun ahalko ditugu Auzolana eszenatokian.

Etxera eszenatokian Crim, Non Servium, Zetak eta Green Valley izango ditugu.

Elkartasuna eszenatokian aldiz, Stay Homas, Delirium Tremens, Rotten XIII, Herdoil eta Dj Bull eta Dj Elepunto.

Ezin dugu ahaztu, 20:15etan Etxera eszenatokian egingo den ekitaldia.

Larunbatean ere, kontzertuez gain, puntu morea, sukaldea eta Hatortxu denda ere egongo dira bertan.

Delirium Tremens eta Rotten XIII taldeen kontzertua zuzenean Hamaika Telebistan!

Hatortxu Rock jaialdiaz gozatzeko tartea ere izango duzu Hamaikan!

Uztailaren 30ean, larunbata, Delirium Tremens eta Rotten XIII taldeen kontzertuak zuzenean eskainiko ditugu. Delirium Tremens 21:50ean hasiko da, eta Rotten XIII 00:00etan.

Saio berezia, ordea, 21:20etatik auurera izango da ikusgai. Kontzertuen zuzenekoaz gainera, taldeei Musika Zuzenean saioan egindako elkarrizketak eskainiko dira, baita Hatortxuren ibilbidearen irudi bilduma. Ez galdu!

Piztu Hamaika, piztu Hatortxu eta gozatu rockaz!
hamaika telebista

11 laguntzaile

Image