Altsasura joan gara, eta bertan Jon Kepa Bengoetxea, Sakana Bizirik plataformako kidea, ezagutu dugu. Sakanako ingurumenaren eta lurraldearen defentsan egiten duten lana azaldu digu, baita gaur egun dituzten erronka nagusiak ere. Besteak beste, AHTaren proiektua geldiarazteko eta Olaztiko erraustegiaren aurka egiten ari diren ekimenen berri izan dugu. Saioari esker, inguruko proiektu handiek lurraldean duten eragina eta herritarren parte-hartzearen garrantzia hobeto ulertu ditugu.
